காலம் என்பது மீண்டும் திரும்பாமல் ஓடிக் கொண்டே இருக்கும் காட்டாறு இதனைக் 'காலமென்னும் காட்டாறு கரைமீறி ஓடுதடா' என்று ஒரு பாவலர் பாடியுள்ளார். எதை இழந்தாலும் அதை மீண்டும் எவ்வாறேனும் பெற்றுவிடலாம், ஆனால் காலத்தை மட்டும் யாரும் திரும்பப் பெறவியலாது. மீண்டும் பெற்றிட இயலாத காலத்தின் தன்மையறிந்து அதனைப் பகுத்து வினையாற்றித் தமிழர் வெற்றியோடு வாழ்ந்திருக்கிறார்கள்.

காலக் கணக்கு
காலத்தை மாற்றம் பெறும் அதன் தன்மைக்கு ஏற்பப் பெரும்பொழுதாகவும் சிறுபொழுதாகவும் கணக்கிட்டுப் பகுத்திருக்கிறார்கள், சித்திரை. வைகாசி இரண்டையும் இளவேனில் எனவும். ஆனி. ஆடித் திங்கள் இரண்டையும் முதுவேனில் எனவும். ஆவணி. புரட்டாசி இரண்டையும் கார் எனவும். ஐப்பசி. கார்த்திகை இரண்டையும் குளிர் காலம் எனவும். மார்கழி. தை இரண்டையும் முன்பனிக்காலம் எனவும். மாசி. பங்குனி இரண்டையும் பின்பனிக் காலம் எனவும் பிரித்துக் கணக்கிட்டு வழங்கி வருகிறோம், அதுபோல் ஒரு நாளை வைகறை. காலை. நண்பகல். எற்பாடு. மாலை. யாமம் எனப் பகுத்துச் சிறு பொழுதுகளாக இலக்கியம் கூறுகிறது,

ஒருநாள் என்பது இருபத்து நான்கு மணிகளாகவும். 1440 மணித் துளிகளாகவும். அதாவது 1 மணி அறுபது மணித்துளிகளாகவும் கணக் கிடப் பெற்று வழக்கிலுள்ளன, மேலும் ஒருநாள் அறுபது நாழியாகவும் ஒரு நாழிகை இருபத்துநான்கு மணித்துளிகளாகவும் ஒரு நாள் 1440 மணித்துளிகளாகவும் கணக்கிடப்பெறுதலும் உண்டு,

நாளின் தொடக்கம் எப்பொது?
ஆங்கிலேயர் முறைப்படி இரவு பன்னிரண்டு மணிக்குமேல் நாளின் தொடக்கம் நடைமுறையிலுள்ளது. ஆனால் நாழிகையின் கணக்குப்படி காலையிலிருந்தே நாள் தொடங்குகிறது. அஃதாவது பகலிரவு அறுபது நாழிகை முடிந்த பிறகு காலையிலிருந்து நாள் தொடங்குகிற கணக்கும் நடை முறையிலுள்ளது. திருமண அழைப்பிதழ்களில் அதனைக் காணலாம்.

நடுநாள் வந்தது
இலக்கியம் காலக் கண்ணாடி. ஒரு சிறந்த நாட்டு மக்களின் பழக்க வழக்கங்கள், நாகரிக மேம்பாடு, பயன்மிகுந்த பண்பாடு ஆகியவற்றை நல்ல இலக்கியங்கள் மூலம் அறிந்துகொள்ளலாம்! தமிழரின் சான்றாண்மை மிகுந்த தலைசிறந்த வாழ்வியல் நெறிகளைச் சங்ககால இலக்கியங்கள் தெளிவாகச் சாற்றுகின்றன. அந்தச் சங்ககால இலக்கியங்கள் தமிழருக்கு நாளின் தொடக்கம் பகல் பன்னிரண்டுக்குமேல் என்று தெரிவிக்கின்றன. அகநானூறு. நற்றிணை. குறுந்தொகை போன்ற இலக்கியங்கள். குறிஞ்சித்திணை. பாலைத்திணை, நெய்தல் திணை ஆகியவற்றில் கூறக் காணலாம்.

இது காறும் காட்டிய காட்டால் நடு நாள் என்பது நள்ளிரவாகிய யாமம் என்பது புலனாகிறது. கதிரவன் தெற்கில் தோன்றிவிட்டு வடக்கில் தோன்ற வரும் நாளை உத்திராயனம் என்றும் வடக்கில் தோன்றிவிட்டுத் தெற்கில் தோன்ற வரும் நாளைத் தட்சணாயனம் என்றும் கூறுவர். அயனம் என்றால் செல்லுதல் என்று பொருள். கதிரோன் நிலநடுக்கோட்டுக்கு நேரே வரும் நாள் சித்திரைத்திங்கள் முதல் நாளாகும். கதிரோன் நடுக்கோட்டில் தோன்றும் நாளிலிருந்து ஆண்டின் பிறப்பைக் குறிப்பதுபோலப் பகலின் பன்னிரண்டு மணியில் சூரியன் உச்சிக்கு வரும் பொழுதிலிருந்து நாளின் தொடக்கமாகக் கொண்டிருக்கலாம்.