பெயர்: வே. இரா. சிவஞானவள்ளல் பிறந்த நாள்: 01.09.1936 தந்தையார்: வே.ப. இராசகோபால் தாயார்: பாக்கியம் அம்மாள் படிப்பு: பள்ளி இறுதி வகுப்பு

பணி:	தொடக்கப்பள்ளி ஆசிரியர் (ஓய்வு)
படைப்புகள்:	பாடல் நூல்கள் - 39
மனைவி:	சந்திரா
மக்கள்:	இரா. பாவேந்தன், இரா. இளங்கோவன், இரா. வெண்ணிலா, இரா. அன்பரசி, இரா. அருளரசி
விருப்பம்:	முத்தமிழை மூச்சாகக் கொள்ளும் மூதறிஞர் யாவர்? அவர் வழியே தித்திக்கும் செவ்வழியாம்! அந்தத் திருவாளர் செல்வழியே செல்வேன்!
முகவரி:	4/6, கலைஞர் தெரு, புலவர் நகர், அரங்காபுரம், வேலூர் - 632 009.

உரூபா 500 பரிசு பெறும் பாடல் :

1.நீரி லாதபைங் கூழென ஏழையர்
நெளிந்திடும் வேளையிலே
பாரை ஆண்டிட லாமெனும் வேட்கையால்
பரிவுடன் அரசியலார்
ஊரி லுள்ளவர் உழைப்பினில் வந்திடும்
ஒண்பொருள் தமையயல்லாம்
வாரி ஈகிறார்; வஞ்சகர், சிற்சிலர்
வாழ்வினில் உயர்ந்திடவே!
- பைந்தமிழ்ப்பாவலர் புலவர். சி. பெருந்தேவன், தவளக்குப்பம்.

வெளியீட்டுக்குத் தேர்வு பெற்ற பாடல்கள் (வரிசைப்படி) :

2.சோழ னென்றுனைச் சொல்லினர் ஐயகோ
சொத்தையென் றிருந்தாயே!
வேழ மென்றனர் வீரனென் றார்த்தனர்
வெளிறனென் றிருந்தாயே!
காழ முற்றசெவ் வுணர்வின னென்றனர்
கரவனென் றிருந்தாயே!
ஈழ வீழ்வினை எண்ணவும் பொறையிலேம்!
எத்தனென் றிருப்பாயோ?
- தழலெழில், விழுப்புரம்.

3.மாளு கின்றனர் சிங்கள நாட்டிலே
மறத்தமிழ் மக்கயளல்லாம்
மூளும் போரிலே இளைஞரும் சிறுவரும்
மோதியே மடிகின்றார்
நாளு மிப்படி நம்மினம் நம்முனே
நசிவதைப் பொறுப்போமா?
தோளு யர்த்தியே சிங்கள நாய்களைத்
தோற்றிடச் செய்வோமே!
- ப. வனிதா, நெய்வேலி.

4.தீங்கு நல்கிடும் வெம்பகை ஓட்டியே
சீர்வரச் செய்யாமல்
பாங்கு டன்தொழில் மேவிட மக்களும்
பயனுறச் செய்யாமல்
ஏங்கு கின்றநம் தமிழ்வழிக் கற்கவே
ஏதுமே செய்யாமல்
ஆங்கி லேயரின் போக்கிலே இன்னமும்
அடிமையாய் உய்வாயோ!
- புலவர். திருக்குறள் நாவை. சிவம், மணற்பாறை.

5.வாழ வைத்திடும் வள்ளுவர் வழியிலே
வந்திடு; பேரன்பில்
ஆழ வைத்திடும் அருந்தமிழ் இலக்கியம்
அறிந்திடு; நல்லின்பம்
சூழ வைத்திடும் இன்னிசை கேட்டதைச்
சுவைத்திடு; பொல்லாமை
தாழ வைத்திடும் தவறுகள் நீக்கிடு;
சால்புடன் வாழ்வோம்வா!
- வேங்கடேசபாரதி.

6.காடு மேடெலாம் திருத்திய நம்இனம்
கலங்கியே வாழ்கின்றார்;
வீடு பிள்ளைகள் உறவுகள் அனைத்தையும்
விட்டிழந் துழல்கின்றார்
வாடு கின்றவர் இன்னலும் நீங்கிட
வழிமுறை காண்போமேல்
நாடு போற்றிடப் பீடுடன் அன்னவர்
நலமுடன் வாழ்வாரே!
- த. கருணைச்சாமி, தேனி.

7.பாடு கின்றனர் பாட்டென நந்தமிழ்ப்
பண்ணிசை பாழ்படவே
ஆடு கின்றனர் நாட்டியம் அரைகுறை
ஆடையும விழ்ந்துவிழக்
கூடு கின்றனர் கூத்தரின் உளறலை
மிக்குயர் கொள்கையென
ஓடு கின்றனர் யாரொடும் தன்னறி
வின்றியே ஒருப்படவோ?...
- ப. சக்திவேலன், கொட்டப்பட்டு.

8.ஆவின் பாலினுஞ் சுவைமிகும் அமுதெது?
குறுமுனிப் பொதிகையைத்
தாவி வீசிடுந் தென்றலின் இனிதெது?
தையலார் உவந்திறங்கும்
வாவி நீரிடை வளர்தரு தாமரை
மணத்தினைப் பழிப்பதெது?
நாவல் பாவலர் மதுரையில் நடாத்திய
முத்திறத் தமிழன்றோ?
- மு. இராம. கனகராசன்.

9.வான மேபிறக் கும்முனம் தோன்றியே
வாழ்தமிழ்ச் செம்மொழிதான்
நானி லந்தனில் மெலமெல வேயினி
நலிந்திடுங் காணெனவே
கோண லாயுளம் கொண்டவர் கூறுவர்
கூற்றுப்பொய்! தோன்றுபுதி
தான எக்கலை யாயினும் வல்லவ
ளாந்தமிழ்க் கேதழிவே!
- மு. திருவாணன், திண்டுக்கல்.

10.ஒண்ட வீடிலா மக்களுக் குறுமனை
உதவிகள் புரிந்தீரே!
வண்டு நேர்விழி மங்கையர் பயனுற
வளம்பல சேர்த்தீரே!
கண்டு நேர்மொழி கன்னியர்க் கூர்திகள்
களிப்புற ஈந்தீரே!
உண்டி ஈந்தெமக் குடைகளும் ஈந்தீரே
ஒருதொழில் ஈவீரோ!
- வே. ச. திருமாளவன், புதுவை.

11.வாரி வாரியே செல்வமும் பொன்னையும்
வந்தவர்க் கீந்தனரே!
காரி ஓரியாய் வள்ளலார் நாட்டினைத்
கண்டவர்க் கீந்தனரே
பாரி தேரினை முல்லையம் கொடிக்கெனப்
பரிவுடன் ஈந்தனரே!
வாரித் தந்தகை கொட்டிடும் வறுமையால்
வாடியே நீட்டுதையோ!
- வேலூர்த்தமிழரசி.

12.வாழ வேண்டியே வாட்டிடும் வறுமையால்
வண்டமிழ் மாந்தரெலாம்
தாழ நின்றுமே பற்பல நாடெலாம்
தாளினைப் பதியவிட்டார்!
ஆழச் செல்வமும் ஆழ்ந்தபேர் உழைப்பினால்
ஆக்கினர் பொன்னிலமாய்!
ஏழை மையிவர் வாழ்வினில் இன்றுமேன்
எட்டியே போகவிலை?
- புலவர் அழகரசன், வேலூர்.

13.செய்த நன்மையை மட்டுமே சொல்லுக!
செய்திடா தொன்றினையே
செய்த தாகவே பறையறைந் திடுவது
சீரிய செயலலவே!
செய்த தீமையை மறைத்திட முயல்வது
சிறியவர் செய்கையதே!
உய்ய வேண்டிடின் செய்தஅத் தீமையை
உரைத்திடத் தயங்காதே!
- து. ஆதிநாராயணமூர்த்தி.

முன்னரே பரிசு பெற்றறோரின் பாடல்கள் :

1.இன்னல் தந்திடும் ஏழ்மையால் நலிகிறேன்
என்றுரைத் தழலாமோ?
உன்னி னும்பலர் உலகினில் துயருறும்
உண்மையை உணராயோ?
பொன்னும் செந்தழல் சுடவொளி தருமெனும்
பொருளுரை தேராயோ?
உன்னை நம்பியே ஊக்கமாய் உழைத்திடின்
உறுபயன் பெறுவாயே!
- புலவர். மா. சு. மணி, திருக்கழுக்குன்றம்.

2.ஆட்சிக் கட்டிலில் ஏறிடச் சூழ்ச்சிகள்
அனைத்தையும் செய்கின்றார்!
கூட்டுக் கொள்ளையில் ஆட்சியர் அலுவலர்
கூடியே கொள்கின்றார்.
நாட்டு மக்களின் நன்மையைக் கருதியே
நல்லவர் குரல்கொடுத்தால்
ஆட்சி பொங்கியே தடியடி என்றுமே
ஆட்டியும் படைக்கிறதே!
- வே. இரா. சிவஞானவள்ளல், வேலூர்.

குறிய ஈற்றுமாக் கூவிளம் முவ்விளம்
காயயாடும் குறிக்கொள்ளே (1-4)